Xiaomi ne haal hi mein MI smart LED bulb aur MI power bank 3i launch kiya he. MI smart LED bulb (B22) mein 9w ki rated power hai aur ye 950 lumens ki brightness deta hai. Xiaomi ka kehna hai ki bulb ki jeevan avadhi lagbhag 25,000 hours hai, aur daava kiya jaata hai ki ye 16 million colors produce karta hai. Smart bulb Google aur Alexa voice assistant support ke saath aata hai. MI smart LED bulb (B22) smart living portfolio mein Company ki peshkash hai, aur iski keemat Rs. 799/- Hai.
Ek or development mein Xiaomi ne India mein 10,000mAh aur 20,000mAh capacity wale MI power bank 3i ko launch kiya he. Dono power bank varient mein USB Type-C aur Micro-USB port ke zariye se double input ki suvidha hai. Power bank 18W fast charging ko support karta hai aur 12-layer circuit protection se lais hai.
